Шинжлэх ухаан, танин мэдэхүй
Монголчууд кроссоверийг ихэвчлэн дунд гарын, эсвэл бага гарын жийп гэж нэрлэдэг. Harrier, BMW X5, Ford Escape, Mazda Tribute, Honda CR-V, Honda HR-V, Lexus RX, Mitsubishi Outlander, Nissan Murano, Subaru Forester, Subaru Outback, Nissan Xtrial, Toyota Klugger, Toyota Highlander …. эд бол Улаанбаатарын гудамжинд Үргэлжлэл…
Монголчууд бид Мерцедес Бенцийн G Class -тай аль эрт танил болсон билээ. Туулах чадвар, тав тухтай байдлыг зэрэг хангаж чадсанаараа гайхалтай унаа. Бенцийнхэн энэ загвартаа тулгуурлан урьд өмнө байгаагүй нэгэн төрлийн жийп үйлдвэрлэж байна. Үргэлжлэл…
Гарчигийг хараад үлгэр гэж бодож байна уу? Үгүй шүү. Эвкалипт гэж асар өндөр мод байдгийг бараг бүгд мэдэх биз. Энэхүү модыг сүүлийн жилүүдэд тарималжуулж, цаасны үйлдвэрийн гол түүхий эд болгон ашиглаж байгаа билээ. Гэтэл энэ модонд нэгэн гайхамшигт чанар байдгийг дөнгөж саяхан илрүүлжээ. Хэрэв эвкалипт мод ургаж байгаа хөрсөн доор алт байвал үндэс, салаа мөчрөөр нь дамжин навчинд нь хуримтлагддаг гэнэ. Мод яг л асар хүчирхэг усан насос мэт ажиллаж, алтны жижиг үртсүүдийг устай хамт хөөрөгдөн шахдаг байна. Мод маш өндөр тул үндэс нь ч гэсэн хэдэн арван метрийн гүнд хүрдэг. Алт нь ургамлын хувьд хортой бодис тул туугдан явсаар эцэстээ навчинд нь хуримтлагдаж, дараа нь навчтай хамт газарт хаягдана.
Гэхдээ навчинд хуримтлагдаж байгаа алтны тоосонцор нь өчүүхэн хэмжээтэй, хүний үсний диаметрийг тав хуваасны нэгтэй ойролцоо юм.Унасан навчисыг хураан цуглуулж алтыг ялгах нь байгаль орчинд хамгийн ээлтэй, бас эдийн засгийн хувьд асар их хэмнэлттэй технологи болох юм гэж уг нээлтийг хийсэн доктор Линтерн өгүүлжээ. Ер нь ургамлын навчинд хуримтлагдсан эрдсийг шинжлэх замаар өрөмдлөгө хийхгүйгээр газрын гүн дахь эрдэсийн талаар мэдээлэл авах боломжтой гэж тэр үзэж байна. Энэ модны тусламжтайгаар алтнаас гадна цайр болон зэсийн ордыг ч илрүүлэх боломжтой гэнэ.
Хоёул Landcruiser 100 серийн машин бөгөөд Lancruiser 80-ийн халааг авсан гэхэд болно. Анхны 100 серийн Landcruiser-ийг 1998 онд үйлдвэрлэсэн байна. 100 ба 105-ыг гаднаас нь харахад маш төсөөтэй. Гол ялгаа нь тэдгээрийн арал, тэнхлэг зэрэг гол эд ангиудад бий. 105-ийг зохион бүтээхдээ 80-ын арал, тэнхлэг болон I6 хөдөлгүүрүүдийг тэр чигээр нь ашигласан аж. 105-ийг зөвхөн Африк, Австрали, Орос болон Өмнөд Америкийн зах зээлд нийлүүлсэн байна. Харин 100 загвар нь харьцангуй өргөн аралтай, урдаа үл хамаарах тэнхлэгтэй (манайхны хэллэгээр чулакгүй, ө.х. гартай). Мөн шинэ хоёр ч хөдөлгүүрийг энэ загварт тавьж эхэлжээ. Ингэснээр анхны үл хамаарах тэнхлэгтэй Landcruiser бий болов. Үл хамаарах тэнхлэг тавьснаар засмал зам дээр хурдтай явахад тохиромжтой болсон ч гэсэн бартаат замд туулах чадвар нь буурч, харьцангуй хэврэг болсон аж. Иймээс зарим зах зээлд 100 ба 105-ыг зэрэг борлуулах болжээ. Landcruiser 100 нь үл хамаарах тэнхлэгтэй тул 105-аасаа урд тал нь бага зэрэг намхан. Тэдгээрийг гаднаас нь хараад шууд ялгахын тулд дугуйн обуд буюу булыг ажиглах хэрэгтэй. Landcruiser 100 нь арай өргөн аралтай тул дугуйтайгаа тэгш бултай байдаг. Харин Landcruiser 105 нь цаашаа хүнхийж орсон бултай байдаг. Иймээс тэд өргөн ба нарийн аралтай ч гэсэн дугуй хоорондын зай нь ижил байдаг.
Landcruiser 100-д анх удаа V8 хөдөлгүүрийг суурилуулжээ. Шалтгаан нь хүчтэй хөдөлгүүртэй машиныг ихэд таашаадаг Хойд Америкийн зах зээлд борлуулалтаа нэмэгдүүлэх явдал байв. Lexus LX 470 -ийг Landcruiser 100 дээр тулгуурлан бүтээжээ. Японы зах зээлд Lexus -ийг зардаггүй тул Toyota Cygnus нэрээр борлуулжээ.
Одоо энэ хоёр загварын дутагдалтай талуудыг авч үзье. Бартаат замаар хурдан явахад 100-ын урд тэнхлэг буюу гар нь амархан цуурч эвдэрдэг. Иймээс зарим сэлбэг үйлдвэрлэдэг компани харьцангуй бат бөх доод гар үйлдвэрлэж зардаг аж. 1998-2000 онд үйлдвэрлэгдсэн 100 ба 105-ын урд дифференциал нь хоёрхон зүрх араатай тул тун хэврэг. Харин 2000 оноос хойш дөрвөн зүрх араатайгаар үйлдвэрлэх болжээ. Зөвхөн Америкийн зах зээлд борлуулдаг 2UZ-FE хөдөлгүүртэй загваруудын яндан нь амархан цуурдаг. Цуурхай нь маш нарийн тул харахад мэдэгдэхгүй. Цуурхай яндантай машиныг хүйтэнд асаахад тогших мэт чимээ гардгаар нь амархан таньж болно. Харин хөдөлгүүр халангуут чимээ нь алга болно.
Нарийн төвөгтэй эд ангийг шууд гурван хэмжээстэй хэвлэх болсон нь аж үйлдвэрийн янз бүрийн салбаруудад хувьсгал болж буй билээ. Хямд үнэтэй гурван хэмжээст принтерийг хүмүүс гэртээ хүртэл ашиглах боломжтой болсноор технологийн дэвшил гарч, Үргэлжлэл…